السلام عليكم ورحمة الله وبركاته
اليوم احبابى متابعى مدونة .. (( محمود ذيهان )) .. هقدم قصيدة جديدة ومميزة من ديوان .. قلبى مش فضة وصفيح .
محبيتهاش ..
مجرد وحدة عجبتنى
وقلبى خلاص محبكهاش
لا بات سهران يغنيها
ولا قال شعر ف عينيها
وانا جواه مخبيتهاش
ولا عمرى هخبيها
محبيتهاش
ولو حبيتها ..
كان قلبى قصادها يدادى ويغنى
واشيلها وردة فى الننى
واقولها ف شعرى وف فنى
واصور قلبى انا جنى
واقولها شاورى واتمنى
واجيب لها م السما نجمة
ولو فى مره تجرحنى
اجيب للجرح ورد وشاش
واضم صورتها واحضنها
واقول للناس انا عاشق
دى حاجة اكيد متتخباش
محبيتهاش
ولو حبيتها ..
كنت عرفت فين بيتها
وارقامها .. واحلامها
وحاجات م الماضى نسيتها
وهاجى بقلبى قدامها
واقول كام حاجة حسيتها
حاجات عنى متعرفهاش
محبيتهاش .
محمود ذيهان شاعر وكاتب مصرى مسلم اعشق كل ما يخص التقنية والانترنت دائما احب ان اتعلم شيئا جديد كل يوم
0 التعليقات:
إرسال تعليق