انا علشانك أغير نفسى
واتنازل عن كبرى وعندى
وابقى لقلبك دكتور نفسى
وابقى مجرد ساحر هندى
انا علشانك ممكن اخلى الدنيا دى بون
او اطلعلك منى قماش .. بتلاتين لون
انشر واحد وركبه تانى
او اطير مره مع البالون
ممكن اعلق يافطة كبيرة .. فيها بحبك
وكل الناس تقول مجنون
ممكن اخلى الدنيا دى لعبة
لو حباها تكون تخاريف ..
تكون تخاريف
وانا مستنى ونومى خفيف
اطلبى مثلا ..
انى احرر مره القدس
وانى اعيد لخوانا ف يوم منازلهم
وان اعدائك وسط بيوتهم هنازلهم
والحكام اللى رفضاهم انا هعزلهم
اطلبى مثلا .. مثلا
ان الارض تكون سطحية
وان الواجب بسمة خفيفة وقت الصبحبة
وان الكلمة الحلوة ذى حبوب الدوا
صحية
وان الدنيا ذى عيادة
وان صباح الخير يا حبيبتى
ريحة المسك سكرها زيادة
محمود ذيهان شاعر وكاتب مصرى مسلم اعشق كل ما يخص التقنية والانترنت دائما احب ان اتعلم شيئا جديد كل يوم
0 التعليقات:
إرسال تعليق