احنا شعب ..
من
كلمة بسيطة بنتراضى
وبنحلم
حلمنا بنموت فيه
بنشوف
المشهد ميت مره
وبنضحك
على نفس الافيه
من
كتر ما عايشين عل الهامش
بطلنا
بنسأل عايشين ليه
راضين
بوجعنا عشان فينا
والفقر
كسرنا وشايفينا
قدامنا
واوقات نفرح بيه
نكدب
.. علشان ننصر حق
بنثور
علشان نهدم ثورة
والثورة
دى هدنا وجابت ايه
طيب
ولكن مليان اشرار
بنخون
بعضنا باستمرار
وكلامنا
شتيمة .. وسبابة
حكامنا
بتيجى بدبابة
منفردة
طبيعى باى قرار
قابلنهم
علشان قابلنا
والحزن
بيشبه لون حنه
والارض
الطاهرة ال م الجنة
مرسومة
بدم الثوار
عايشين
بالقوة وبنعافر
لو
نزهق نهرب ونسافر
وبنتعب
والجوع شئ كافر
ونسلم
واحنا بننهار
خايفين
من بكرة ليسود
وبنبنى
غبائنا بميت سد
بطلنا
ان نأمن حد
من
خوفنا .. بنخاف نختار
ببساطة
احنا يدوبك شعب
بنشوف
الحق ده شئ صعب
والجنة
بتقلب ليه نار .
محمود ذيهان شاعر وكاتب مصرى مسلم اعشق كل ما يخص التقنية والانترنت دائما احب ان اتعلم شيئا جديد كل يوم
0 التعليقات:
إرسال تعليق