ازاى تعمل مشروع ناجح

" الافكار التى هاجمها الناس على انها سخيفة هى الافكار التى اتت بأفضل النتائج "  

فريد ويلسون

من البداية اختيارك لمجال الشركة او المشروع بتاعك مش لازم يكون مطبق على ارض الواقع .
وبيحقق ارباح كمان . يعنى مش عشان مجال الاتصالات من المشاريع اللى ارباحها ضخمة يبقى لازم يكون مشروعى فى مجال الاتصالات .

 لا .. من الممكن تكون فكرة جديدة ومجنونة . لكن المهم انك مؤمن بنجاح الفكرة لو انت اشتغلت عليها كويس . والاقتناع ده اهم شئ على الاطلاق فى نجاح اى مشروع خاصة فى بداية العمل به . لانك هتقابل ناس كتير هتعترض فكرتك حتى لو كان الاعتراض من اجل الاعتراض .. وخلاص . كمحاولة افشالك . ذى ما تقول كدا ناس بتوقف المراكب السايرة .

فـ اللى يهمنى انا كعميل " الخدمة " اللى هتقدمها ليا وقد ايه انا محتاج ليها . واكبر دليل على كدا لما الناس لاموا على .... فكرة بيع المياه ولان محدش كان متوقع ان الميه ممكن تتباع عارضوا المشروع بشدة . وبإصرار .... واقتناعه بفكرة المشروع والخدمة اللى هيقدمها للناس فى المستقبل نجح وحقق ارباح خيالية .

ولاختيار اى مشروع او مجال عمل مبادئ لازم نتفق عليها .

· قوة اقتناعك وايمانك بفكرة المشروع .

الاقتناع اهم عنصر فى بداية بناء اى مشروع فطالما قررت تعمل مشروع معين فثق تماما الف مين هيعارض .. اللى يقولك فكرة فاشلة مش هتستمر . واللى يقولك مش هتقدر تطبقها على الوجه الامثل .. وكتير من الاتهامات اللى لازم تواجها بحاجة وحدة بس .. الاقتناع والاصرار على انك تكمل حلمك للنهاية . فـ لو دخل جواك ذرة شك اعرف ان المشروع هيفشل قبل ما يبتدى .

· مدى معرفتك وإلمامك بفكرة المشروع .

الفكرة طالما انها مخرجتش بره إطار الدماغ فهى ذى الجنين اللى محتاج مكمل غذائى عشان ينمو ويكبر علشان يوم ما يتولد .. يتولد صحيح مفهوش علة او مرض .

والمكمل الغذائى لاى فكرة هو إلمامك بالمعلومات اللى تخص الفكرة من جميع الجوانب .. فخلاص زمن التقصير والمماطلة انتهى . طالما انك قررت تعمل مشروع خاص بيك .. قررت تنجح فيه . يبقى لازم تتعب عشان تعمله صح . بمعنى متسبش حاجة للحظ ، ومتسبش فتفوتة فى المجال بتاعك متعرفهاش يعنى مفيش حاجة هتعدى كدا وخلاص .

واتعلم كل يوم حاجة جديدة واعرف اخر صيحات الموضة والفن اللى اتوصل ليها العالم فى المجال ده .

فإلمام بالفكرة يوصلك مرحلة كبيرة من الاحتراف ، وطالما انك محترف فى تقديم خدمة معينة ليا كعميل فاكيد هكون ليك عميل مستمر ودائم .

·اختيار المجتمع المناسب لتطبيق الفكرة .

بسبب اختلاف الازواق وسلوكيات ومبادئ كل بلد عن التانية . فـ من الممكن فكرة تنجح فى مجتمع وتفشل فى التانى . ومثال عى كدا بعض المواقع اللى بتقدم خدماتها على الانترنت فى امريكا ودول الغرب بتحقق ارباح بالمليارات فى حين انها مش معروفة اصلا فى دول كتيرة بسبب انتشار الجهل .

فاختيار الفكرة المناسبة للمجتمع المناسب شرط فى نجاح المشروع .

· مدى اتفاق فكرة المشروع بأخلاقيات المجتمع .

شرط من شروط النجاح عدم معارضة المشروع للقيم واخلاقيات الافراد الموجه اليهم خدمات المشروع . ومثال على ذالك .. " وسامحونى على هذا المثال " ..

" صناعة الافلام الاباحية من اكبر الصناعات فى الغرب التى تقدر ارباحها بالمليارات نجحت هذه الصناعة لتقاربها من قيم الافراد فى تلك المجتمعات .. ليس هذا وحسب بل وجدت انصار لها يدعون بحرية التعبير وما شابه . وايضا اصبح لها اماكن متخصصة لعرض منتجات هذه الصناعة " .

فنجاح الفكرة فى الغرب لا يعنى بالضرورى نجاحها فى المجتمعات الشرقية . بل من المستحيل نجاحها بسبب وجود القيم الاسلامية المنتشرة فى مجتمعات الشرق .

· اختيار اسم مميز لشركتك .

قريت مقالات كتير بتنصح الشباب انها تركز بشكل مكثف فى اختيار اسم جيد لشركاتهم الخاصة . لان الاسم المميز دايما بيفضل فى بال الناس . مش بس كدا لا ده خبراء التسويق اكدوا ان اسم اى مشروع عامل كبير فى نجاحه .

لازم تراعى وانت بتختار اسم لمشروعك انك متخترشى اسم موجود فى السوق خاصة لما يكون فى نفس مجالك . الناس دايما بطبيعتها بتميل للأصل حتى لو كنت بتقدم خدمات افضل من غيرك .

ومثال على كدا نجاح اسماء رغم انها غريبة ذى " الجحش . والكلش . جحا " .

· ضع اهداف لمشروعك .. " دراسة جدول " .

ضع هدف للمشروع خطة انتقال من نقطة لنقطة اكبر . ما سبب إنشأك المشروع . وضعك المادى والاجتماعى بعد ستة اعوام من الشروع فى العمل . قائمة العملاء المستفيدة من خدمات المشروع . عدد الموظفين المتوقع ان يحتاجها المشروع بعد عام من الإنشاء .

قدم خطة خمسية والتزم ان تحقق اكبر قدر ممكن من بنودها . قدم دراسة جدول لتكاليف المشروع وكن طموح وانت ترسم خريطة طريق لمشروعك بعد سنوات .

واخيرا اختم المقال بكلمة " بيتر دراكم " .. اذا اردت ان تتنبأ بالمستقبل .. اصنعه " .

اذا اعجبك المقال لا تبخل ان تشجعنى بتعليقك الجميل .

محمود ذيهان

7 . 2014

ma

تعريف & الكاتب

محمود ذيهان شاعر وكاتب مصرى مسلم اعشق كل ما يخص التقنية والانترنت دائما احب ان اتعلم شيئا جديد كل يوم