هى ليه دايما تقول لك
اغلطى وعيشى ف عناد
ليه محباش لو تجيبى
سيرة حلوة عل الولاد
هى ليه دايما قول لك
اجرحينى .. واتقلى
لو تعبت اوعى عنى تسألى
لو بقلبى جيت اصالحك
اوعى منى تقبلى
ولو هسوق عنك حبايب
الف ميت مليون .. ولى
هى ليه دايما تقول لك
كونى لى كرباج عفى
واوعى مه تضعفى
ازعلى لو جاب هدية
قولى دى موضيع عدية
ولو يقول لك كلمة وحشة
ردهاله الضعف .. مية
هى ليه دايما تقول لك
اخربى بيتك بإيدك
وانى لو تقسى هسامح
وانى عبد ف كوم عبيدك
وانى شئ .. ملوش ملامح
وان مهما يكون .. بريدك
وان لو تدينى .. ضهرك
ميت رسالة تزور بريدك
هى ليه دايما تقول لك
عيشيه ليلة ف عذاب
ولجل م يحبك زيادة
خلى راسه ف التراب
اجرحيه .. يرجع يراضى
حبى .. لو كان جيبه يوزن
واكرهى لو جيبه فاضى
انتى اه عل الحلوة .. بس
لو تحسى بوقت ضيقة
الدنيا دى فيها الف قاضى
هو نصك اللى يتعب
.. واللى يدى
وانتى نصه اللى بياخد
رسمى او كان حتى ودى
هى دى سنن الحياة
هو يبنى ..
وانتى من بعده .. تهدى
انتى حوا .. وطبع حوا
تخلى ادم عقله ده .. يجيب يودى
اوعى تديه فرصه انه يعيش لغيرك
حتى انه يعيش لنفسه
كل ما تحلى ف عينه
الدنيا دى تفتح .. تسدى
محمود ذيهان شاعر وكاتب مصرى مسلم اعشق كل ما يخص التقنية والانترنت دائما احب ان اتعلم شيئا جديد كل يوم
0 التعليقات:
إرسال تعليق