مبتكلمش
ساعات قلبك بيتغير
ويتغير قوام حالك
ومقدرش قول مالك
فتنزل دمعة تقسمنى
حاجات نفسى اقولهالك
والاقى عنيا بصالك
فمتكلمش .. تفهمنى
انا بينى وبينك ايه
بنفهم بعض بس ازاى
بشوفك قلبى يسكت ليه
وليه في بعدك قوام بلاقيه
يفكر فيك .. ورايح جاى
واول بس ما يشوفك
بيجرى بخوف على حضنك
ويفضل قلبى فرحان بيه
انا بينى وبينك ايه
وليه دايما عليك قلقان
وليه مبقولش خد بالك
وليه لو جيت اقولهالك
ألاقى عنيا بصالك
.. فمتكلمش .
وهى ليه بقيت نصيبى
شوفتها واختارتها من
غير م افكر
مش عشان حلوة زيادة
او في رمش عنيها سكر
بس يمكن تبقى جنبى
القا نفسى معاها اكتر
والقا جرح الناس ناسينى
هى اجمل بنت ممكن
في الحياة هتشوفها عينى
.
محمود ذيهان شاعر وكاتب مصرى مسلم اعشق كل ما يخص التقنية والانترنت دائما احب ان اتعلم شيئا جديد كل يوم
0 التعليقات:
إرسال تعليق