قصيدة ساعة اللقا .. جديد

ساعة اللقا

الناس تخاصم بعضها علشان تود
بزعل عشان .. اسمع انا اسف بجد
بعمل قصة .. هوليلة
علشان اشوف ساعة اللقا
دمعة تطير على احلى خد
بسمة تبوس بسمة
.. وقلوب تسلم
وعيون تلاقى ف صلحها
فرحة وورد
الناس تخاصم بعضها .. علشان تود



وانت خصامك مختلف
معوج .. مش ذى الالف
مش دغرى ولا جاى بالطلب
فيه اللى ميت منتصر
واللى عايش ده اتغلب
فيه الوجع طعمه .. وجع
والحزن عل الضحك اتفلب
فيه الاهات تطلع بصمت
والاهه لو صاحبت سكون
توجع قوى .. وكمان تهد
الناس تخاصم بعضها .. علشان تود
وانتى خصامك ذى ثورة ف موجة
حالفة تهد اجمل مركبة
ارجوكى نضحك ..
ده الضحك وقت الحزن اكبر موهبة
خلينا نتصالح
صرحينى لو موجوعة منى
ده اخصامك انتى حاجة صعبة ومتعبة

قولى بصراحة .. مينفعش نكمل
واننا لازم نفارق بعضنا ف اخر المطاف
وان انا وانتى ما بنا
يجى ولا الف اختلاف
قولى كرهت الحب لما يكون سكوت
وكرهت صوت الوجع
لما يكون هتاف
قولى بحبك .. وان قلبى من السعاة دى
عشان هواك بطل يخاف
قولى لقلبى اى كلمة
المهم انك تقولى
ده السكوت وقت الكلام .. شبه انحراف
خلينى بس اسمع لصوتك
بآه .. ب لا .. ب كاف ب بنون
خليها دى لحظة جنون
وبلاش خصام
وبلاش تسيبى .. جرح الزعل
بنا كـ سد
الناس تخاصم بعضها .. علشان تود

 

ma

تعريف & الكاتب

محمود ذيهان شاعر وكاتب مصرى مسلم اعشق كل ما يخص التقنية والانترنت دائما احب ان اتعلم شيئا جديد كل يوم