فى الفترة الاخيرة وخاصة بعد ثورة يناير بدأنا نلاحظ ظاهرة انتشار شعراء
العامية فى مصر ، وظهورهم الملحوظ والمولفت للنظر فى مواقع التواصل الاجتماعى
وغيرها . وبقت دواوينهم اكتر من الناس اللى ماتت من يناير لحد الان .
الغريب فى الظاهرة دى انى بدأت احس ان الموضوع بقى موضه شباب وناس بتقلد بعضها واحيانا عند . يعنى مثلا انا شاب فى مقتبل العمر بدل ما اكون عاطل .. امسك ورقة وقلم وابقى شاعر ، طالما ان الشعر من غير اى قيود وهو مجرد كلام معسول ومختلف عن اللى بيسمعوا الناس حتى لو كانت .. " بحبك يا بقرة .. بموت فيكى يا بهيمة " .. وطالما ان الموضوع مش مكلف هم يدوب كام ملطوش واروح لاى دار نشر "من اياهم " وفى خلال يومين يظهر الكتاب وانا بقيت شاعر يا جوودعاااان .
والمطلوب مننا نصدق الكلام ده .
انا مش ضد ان الشباب تاخد فرصتها فى النشر الحر وانها تعبر عن رأيها بكل
حرية ، لكن انا ضد الشباب اللى مش موهوب بالمره اللى بيكتب اى كلام فى اى حاجة .
ولانه مفيش رقابة على الكتب والكتاب " .. وانا بقصد بالرقابة : هى
الرقابة الاخلاقية مش رقابة سياسية تمنع الشباب من رأيهم .. " .
ومحدش يقولى ان الشاعر اللى كاتب فى قصيده له " بحبك يا بقرة " دى
حرية تعبير وانه فعلا شايف البنت بتاعتة كدا وبعدين دى محسنات بداعية واستعارة ..
ولاب لاب
لانى اكيد هرد عليه واقوله طالما ان البنت بتعاعته بقرة فمن الطبيعى انه
يكون " حيوان سلبانطا " .
وومن الاخر ومن غير ما الت واعجن فى الكلام .. انت بتكتب شعر وشايف نفسك
شاعر ده شئ جميل . واصحابك معجبين بيك ده اجمل .. لكن لما تيحى تقرر تنشر كتاب
ارجوك قدم الشعر بتاعك لحد بيفهم فى الشعر ، ولو قلك انشر .. يا عم توكل على الله
وبالتوفيق ان شاء الله يا سيدى . اما لو قلك العكس فاتلم بقى وافهم انك مبتعرفش
تكتب وارحمنا من قانون اى كلام فاضى معقول .
محمود ذيهان شاعر وكاتب مصرى مسلم اعشق كل ما يخص التقنية والانترنت دائما احب ان اتعلم شيئا جديد كل يوم
0 التعليقات:
إرسال تعليق